Asnjë vendim nuk është marrë nga gjyqtari sportiv i Serie A mbi ndeshjen Udinese-Salernitana, ndeshje e javës së 19 të kampionatit, e paluajtur për shkak të mosprezantimit të skuadrës së kampane, e bllokuar nga ASL për shkak të infeksioneve Covid. Salernitana në fakt ka paralajmëruar një ankimim për 0-3 e mundshëm në tavolinë, duke bllokuar kështu procesin.
Ndërkohë, numri i rasteve pozitive me Covid që u shfaqën në grupin e ekipit Salernitana është rritur në katër. Shoqëria granata njoftoi se “si pasojë e kontrolleve të mëtejshme të kryera sot, një tjetër anëtar i grupit, tashmë në karantinë, rezultoi pozitiv me Covid-19”. Të hënën u zbuluan tre të infektuar në grupin e skuadrës, që kishin bërë që ASL e Salernos të ndalonte nisjen e tyre për në Udine, ku granatat duhej të dilnin në fushë të martën në orën 18.30.
Duke lënë mënjanë rastin e Salernitanas, gjyqtari sportiv i Serie A, Gerardo Mastrandrea skualifikoi tetë lojtarë, të gjithë për një ndeshje. Bëhet fjalë për Tanner Tessmann dhe Mattia Caldara (Venecia), Kristoffer Askildsen (Sampdoria), Hakan Calhanoglu (Inter), Dalbert (Cagliari), Remo Freuler (Atalanta), Mario Rui (Napoli), Stefano Sturaro (Xhenova).
Sa i përket gjobave, 3000 euro i janë faturuar Lacios “për shkak se mbështetësit e tij, gjatë pjesës së parë, lëshuan dy fishekzjarre në kuadratin e lojës”.
