"Mund të pranoj të gjitha kritikat për performancën time, penalltia ime nuk u godit mirë, duhej të kishte hyrë. Por unë kurrë nuk do të kërkoj falje për atë që jam dhe nga kam ardhur." Është një pjesë e shfryrjes së dufit që Marcus Rashford, sulmuesi i ekipit kombëtar të Anglisë dhe Manchester United, shkroi në Twitter. Lojtari, një nga tre lojtarët që gaboi nga 11 metra në finalen kundër Italisë, ishte viktimë e fyerjeve raciste në rrjetet sociale, ashtu si shokët e tij të skuadrës Jordan Sancho dhe Bukayo Saka.
"Unë jam Marcus Rashford, një njeri me ngjyrë 23-vjeçar nga Withington dhe Wythenshawe në jug të Mançesterit. Nëse nuk kam asgjë tjetër, kam këtë," shkroi ylli i United, duke përshkruar gjendjen e tij shpirtërore pas penalltisë së humbur. "Një penallti ishte kontributi i vetëm për ekipin që mu kërkua të bëja. Mund të shënoj edhe duke fjetur, kështu që pse jo këtë?" - pyeti veten. "Nuk mund të ndaloj së menduari për të që kur godita topin dhe ndoshta nuk ka fjalë për të përshkruar se si ndihem. E gjithë ajo që mund të them është që më vjen keq. Do të doja të kishte shkuar ndryshe."
Në Withington (në jug të Mançesterit) një pikturë murale e Rashford ishte e mbuluar me mbishkrime raciste. Rashford gjithashtu shkroi në Tëitter një foto të kësaj afresku bardh e zi, ku mbishkrimet ishin të mbuluara me flamuj anglezë ose mesazhe shumëngjyrësh, shpesh në formë zemre. "Krenar" që ishte pjesë e përzgjedhjes së parë angleze që arriti një finale në 55 vjet, Marcus Rashford vlerësoi "vëllazërinë e pathyeshme" që tani e lidh atë me shokët e tij të kombëtares.
