Cristiano Ronaldo është duke negociuar një rinovim të kontratës me Juventusin deri në vitin 2023. Ky është zbulimi i bujshëm i bërë nga transmetuesi televiziv portugez TVI. Vendimi i CR7 buron nga një seri "jo" e marrë nga klube të tjera elitare evropiane, të cilat e kanë bërë atë të rishikojë, së bashku me agjentin e tij Jorge Mendes, idenë e rinovimit me bardhezinjtë.
Në javët e fundit, në fakt, Mendes ishte përpjekur të transferonte 5 herë Topin e Artë në fillim te Real Madrid, pastaj te Manchester United, ku, megjithatë, vëmendja e momentit është përqendruar te talenti 21 vjecar Jadon Sancho, dhe në fund te Paris Saint-Germain, që, megjithatë, është ende duke u marrë me rinovimin e Kylian Mbappé.
Në këtë mënyrë opsioni i rinovimit me Juventus ishte bërë prioritar. Për shkak të problemeve të Juventusit për të garantuar pagesën e 31 milion euro të pagës së tij, palët janë duke punuar për zgjatjen deri në 2023 të bashkëpunimit, me mundësinë e përhapjes së marrëveshjes aktuale ekonomike në dy sezone.
Ndërkohë CR7 po shijon pushimet, të cilat mbërritën mbase shumë shpejt pas daljes në raundin e 1/8 të Euro 2020, kundër Belgjikës. Katër ndeshjet e para të Portugalisë së tij - tre në grupe dhe një në fazën me eleminim direkt - megjithatë, ishin të mjaftueshme që fenomeni portugez të shënonte 109 gola me ekipin kombëtar, duke barazuar rekordin botëror të iranianit Ali Daei për gola të shënuar në karrierën me kombëtaren.
