Sic ka bërë gjithmonë edhe kësaj radhe kryeministri Rama do të bëjë ca 'koka turku', ca drejtues institucionesh që nuk kanë performancë dhe s'kanë ofruar shërbimet e duhura për qytetarët. Dështimin e qeverisë së tij do e shkarkojë gjetkë sic di ai të bëjë. Në mbledhjen e sotme me drejtuesit politikë të PS-së nëpër qarqe, Rama u ka kërkuar zëvendësimin e atyre drejtorëve që s'kanë performancë të mirë. Kryeministri, mësohet t’u ketë thënë që nuk do të lejohet më arroganca e këtyre personave ndaj qytetarëve. Mbledhja me drejtuesit politikë ishte e dyta sot në selinë rozë pas mbledhjes gjatë paradites me grupin parlamentar. Sërish në fokus janë zgjedhjet e vitit 2021 dhe ndryshimet në Kodin Zgjedhor.
©LAPSI.al
