Një mjet tip “Porche Cayenne” e tipit të fundit është gjetur e braktisur në rrethinat e qytetit. Mjeti u ndoq mbrëmjen e shkuar nga policia dhe drejtuesi nuk iu bind urdhrit të ndalimit nga ana e forcave RENEA. Mësohet se mjeti ishte marrë me qira dhe pronari i makinës, ka deklaruar se nuk kishte pas kontratë me personin që e kishte marrë për ta shfrytëzuar.
Sipas Panorama, pronari ka deklaruar se nuk kishte mbajtur as kartën e identitetit të personit që e drejtonte. Policia ka nisur hetimet dhe kërkimet duke u bazuar tek të dhënat fizike që ka dhënë qiradhënësi. Ende nuk dihet nëse automjeti është përdorur në ndonjë ngjarje kriminale. ©LAPSI.al
