Takimi i radhës mes qeverisë së Shqipërisë dhe asaj të Kosovës do mbahet në javën e tretë të shtatorit, ku pritet të nënshkruhen disa marrëveshje.
Në këtë takim disa nga marrëveshjet janë dogana e Kosovës në Durrës, hidrocentrali në territorin shqiptar dhe linja hekurudhore.
Zv.kryeministrja e Kosovës, Albulena Balaj-Halimaj, njëherësh edhe koordinatore për mbledhjet e dy qeverive, ka thënë se marrëveshjet do të jenë në interes të dy palëve.
Kosova dhe Shqipëria kanë filluar mbajtjen e mbledhjeve të përbashkëta mes dy qeverive më 11 janar të vitit 2014.
Mbledhja e parë u mbaj në qytetin e Prizrenit, dhe dy kryeministrat në atë kohë Hashim Thaçi, dhe Edi Rama, të cilët e cilësuan takimin si historik.
