Portali boldnews.al ka publikuar një video ku ish-ministri i Shëndetësisë Ilir Beqja drekon në të njëjtën tavolinë me drejtues të lartë të sistemit të drejtësisë. Dallohet vetëm kreu i Këshillit të Lartë të Drejtësisë Gent Ibrahimi, por sipas këtij portali në tavolinë është edhe një zyrtare e lartë të administratës së Komisionit të Pavarur të Kualifikimit (në video është në pozicionin me kurriz, me flokë të gjatë).
Natyrisht që nuk përbën asnjë vepër penale që disa persona të drekojnë ose darkojnë mes tyre, por për shkak të pozitave që ata mbajnë pamjet të lënë një shije jo të mirë. Ilir Beqja ka qenë një ndër më të akuzuarit e mandatit të parë të qeverisë “Rama”.
Shkak ishin koncesionet në shëndetësi që shpesh janë konsideruar si afera korruptive. Opozita dhe shoqëria civile ka kërkuar me ngulm hetimin e këtyre koncesioneve nga “drejtësia e re” që do të lindte pas reformës. Pas padisë së “Nisma Thurrje” SPAK ka nisur një hetim, por dosja duket se do të mbetet gjatë në sirtarë. ©LAPSI.al
