Kreu i opozitës Lulzim Basha do të shkojë sot në Presidencë në kuadër të konsultimeve që kreu i shtetit ka nisur për caktimin e datës së zgjedhjeve të vitit 2021. Takimi i Bashës me Metën do të zhvillohet në orën 12:00. Lideri i opozitës do të shoqërohet nga Oerd Bylykbashi, i cili është gjithashtu anëtar i Këshillit Politik të reformës zgjedhore. Po sot pritet që presidenti të zhvillojë një takim edhe me kryeministrin Edi Rama. Socialistët kanë shprehur publikisht preferencën e tyre që data e zgjedhjeve të jetë 9 maji, që përkon me Ditën e Europës. PD-ja ka preferuar datën 18 prill. Me ndryshimet e fundit ligjore, periudha zgjedhore është caktuar nga 15 prilli në 15 maj.
©LAPSI.al
