I pyetur në Korçë për akuzat ndaj Gjovalin Lokës si bashkëpunëtor i Sigurimit të Shtetit, Sandër Lleshaj u shpreh se mban përgjegjësi për emërimin, duke shtuar se vlerëson maksimalisht punën e tij.
“Mbaj përgjegjësi për emërimin e Gjovalin Lokës si drejtor në Policinë e Shtetit.
Unë e kam emëruar dhe mbaj përgjegjësi për të dhe kam vlerësimet maksimale për punën e tij. Akuzave të opozitës nuk iu përgjigjem”, u shpreh Lleshaj.
Deklarata u bë në Korçë, ku ministri Lleshaj mori pjesë në prezantimin e forcave të reja policore që janë shtuar në radhët e policisë kufitare, forcave shqiponja të cilat u shtuan me 50 efektivë të rinj.
Partia Demokratike akuzoi drejtorin e Departamentit të Sigurisë Publike Gjovalin Lokën se ka qenë bashkëpunëtor i Sigurimit të Shtetit, por Loka u konfirmua ne detyre sipas dokumentave te Autoriteti për Informimin për Dokumentet i Ish-Sigurimit të Shtetit.
