Në qytetin e Kukësit kanë rinisur protestat sot pasdite. Protestuesit janë familjarë të personave të të cilët mbahen ende në arrest me burg. Ata u grumbulluan përpara komisariatit të policisë, ku kërkuan lirimin e njerëzve të tyre. Pas vendimit të djeshëm të gjykatës, në burg janë lënë 11 persona nga 23 të arrestuar prej policisë më datë 1 prill. Këta persona morën pjesë në protestën te Rruga e Kombit, ku edhe iu vu zjarri kabinave të kompanisë koncensionare, e cila do të mbledhë tarifën për kalimin në rrugë.
© LAPSI.al
