Besim Trezhnjeva do të jetë gjykatësi i tretë që do të kalojë në sitën e vettingut.
Komisioni i Pavarur i Kualifikimit do të zhvillojë seancën dëgjimore publike më 11 prill me Trezhnjevën, i cili është gjykatës pranë Gjykatës së Apelit në Durrës.
Besim Trezhnjeva është njëkohësisht edhe kandidat për në Këshillin e Lartë të Prokurorisë (KLP).
Trupa gjykuese e Komisionit të Pavarur të Kualifikimit përbëhet nga Alma Faskaj, Firdes Shuli dhe Roland Ilia.
Besim Trezhnjeva është gjyqtari i tretë që del para këtij komisioni. Para tij, Fatos Lulo nuk mundi ta kalonte vettingun, ndërsa gjykatësja Vitore Tusha mori dritën jeshile.
