Pasi dy orëve në protestë mbështetësit e opozitës kanë liruar pa incidente rrugët në Vorë, Milot, Çermë të Lushnjës dhe në Bradashesh. Në fund të protestës Lulzim Basha u shpreh mosbesues për tërheqjen e Edi Ramës përkohësisht nga taksa në Rrugën e Kombit.
“Ne nuk gënjehemi. Populli nuk gënjehet. E ka dëgjuar shpesh Edi Ramën që kur i ka punët ngushtë bën sikur tërhiqet dhe pastaj godet pabesisht pas krahahëve.
Liro 11 kuksianët! Hiqe taksën e Rrugës së Kombit! Anulloje koncensionin e rrugës së kombit!” ishte thirrja e Bashës në fund të protestës.
Kreu i PD-së e lexoi si mbështetje të të gjithë popullit faktin që për dy orë protestë nuk pati asnjë incident dhe qytetarët e bllokuar në autostradë nuk shprehën asnjë pakënaqësi.
