Pasi njoftoi se do të tërhiqet nga taksa për Rrugën e kombit, Rama do të jetë sonte në emisionin Opinion. Duket se fjala e gjatë në kuvend nuk ka qenë mjaftueshëm për të, prandaj ai ka vendosur që sonte në orën 21:00 të jetë i pranishëm në studion e gazetarit Belndi Fevziu duke vazhduar strategjinë e tij të tërheqjes.
Kryeministri tha sot në sallën e Kuvendit ku ishin të pranishëm vetëm deputetët e mazhorancës, se nuk do ta fillojë me sistemin e pagesë pa dhënë ndihmën më të mirë për banorët e zonës.
“Nuk do ta fillojmë sistemin e pagesës pa dhënë ndihmën më të mirë të mundshme për banorët e zonës. Është një punë e vështirë të parashikohet gjithçka përpara, pa pasur shifrat e 6 mujorit të parë, por ne ia detyrojmë këtë të gjithë njerëzve të asaj zone dhe duke bërë më të mirën e mundshme do të arrijmë të lehtësojmë barrën e tyre dhe ta bëjmë të funksionojë sistemi” - u shpreh Rama.
Ndërkohë opozita sot ka dalë në rrugë duke bllokuar 4 akse kryesore në vend në shenjë proteste.
