Prej mëngjesit të sotëm qindra kuksianë, të afërm dhe miq të të arrestuarve protestuan përpara komisariatit të policisë me thirrjet "Lironi djemtë tanë" dhe "Rama ik".
Duke qenë se turma e njerëzve që protestonin kundër arrestimeve sa vinte e bëhej më e madhe, policia e shtetit ka vendosur të transportojë 11 prej të arrestuarve në Tiranë, me shpresën se të afërmit e tyre do të braktisin protestën.
Pas protestës së djeshme, policia e Kukësit ka ekzekutuar urdhër-ndalimet e Prokurorisë se Rrethit Gjyqesor Kukes për 23 shtetas.
Sipas njoftimit të policisë ndalimi i tyre u bë pasi gjatë protestës së zhvilluar ne date 31 mars në Rrugën e Kombit, prane Tunelit te Kalimashit, te kabinat e kalimit me pagesë te automjeteve, kanë ushtruar dhunë ndaj punonjësve të policisë, si dhe kanë shkatërruar me zjarr kabinat dhe disa zyra të kompanisë.
