Presidenti i Serbisë, Aleksandër Vuçiç, deklaroi se u kishte thënë autoriteteve në Prishtinë që kanë afat deri në orën 19:30 për ta liruar drejtorin e Zyrës për Kosovë në Qeverinë e Kosovës, Marko Gjuriç. Vuçiç u shpreh se pas paralajëmrimit, Kosova e liroi Gjuric 10 minuta para orarit të përcaktuar.
Sipas mediave serbe, i pyetur për garancitë që Forcat Speciale nuk do të hyjë më në veri, Vuçiç ka thënë: “Ne nuk kemi më asnjë garanci, përveç vetes sonë”.
Presidenti serb theksoi se objektivi politik i shqiptarëve të Kosovës është për të marrë veriun, siç ka thënë “për tua marrë serbëve ‘kartën e fundit’ nga duart për çfarëdo kompromisi për Kosovën”.
Shefi i të ashtëquajturës Zyrë për Kosovën në qeverinë e Serbisë, Marko Gjuriç u arrestua dy ditë më parë në Mitrovicën e veriut, pasi kishte kaluar kufirin pa lejen e autoriteteve kosovare. Forcat Speciale kosovare u futën në takimin që serbët e veriut të Kosovës po mbanin me Gjuriç dhe e arrestuan këtë të fundit, për t'a transportuar më pas në Prishtinë. Aty, Gjuriç u mor në pyetje për disa minuta dhe më pas u dërgua në Serbi. Të nesërmen, Gjuriç iu tha gazetarëve se ishte keqtrajtuar nga policët kosovarë.
©LAPSI.AL
