Makina që u hodh në ere natën e sotme në Shkodër i përket një punonjësi të policisë së shtetit, shefit të financës së Policisë Kufitare të qarkut verior të vendit.
Nuk dihet akoma nëse eksplozivi në makinë ka lidhje me punën që bën pronari por dihet se makina ka qenë e parkuar në rrugë dhe është vërejtur dëmtimi i saj me eksploziv nga vetë pronari i mjetit, i cili raportoi policinë.
Ngjarja ka ndodhur në lagjen ‘Perash’.
Në njoftimin polociosë thuhet se “Më datë 25.03.2018, në orët e para të mëngjesit në lagjen “Perash” Shkodër, është dëmtuar me lëndë plasëse mjeti tip Benz me targa AA655MK, në pjesën e prapme të mjetit, në pronësi të shtetasit A. L., 40 vjeç banues në lagjen Perash, të cilën e ka patur të parkuar në rrugë. Grupi hetimor vijon veprimet për sqarimin e plotë të rrethanave kësaj ngjarje, identifikimin dhe kapjen e autorit/eve."
