Gjatë inspektimit në zonat e përmbytura në Shkodër, në Anën e Malit dhe në Dajç, ministrja e Mbrojtjes, Olta Xhaçka u shpreh se mbi 550 efektivë të Forcave të Armatosura janë 24 orë në shërbim të qytetarëve. Ministrja deklaroi se çdo strukturë do të mbajë përgjegjësitë e saj lidhur me përmbytjet.
"Prioritet evakuimi i banorëve dhe i gjësë së gjallë. Në 10 ditë janë evakuuar mbi 2500 krerë bagëti. Kanë mbërritur 90 ton koncentrat dhe pritet të mbërrijnë 300 ton koncentrat për bagëtinë . Çdo strukturë të mbaj përgjegjësitë e saj. Janë vendosur 2000 thashë në argjinaturën Pentarit dhe gjatë gjithë ditës së sotme është punuar për mbrojtjen e argjinaturës së Çasit”- u shpreh Olta Xhacka.
