Projekti i prishjes së Teatrit Kombëtar dhe ndërtimi i një godinë të re të shoqëruar me disa kulla të larta në pjesën e pasme ka shkaktuar një reagim të ashpër jo nga artistët por edhe nga mbarë opinion publik.
Pak ditë më parë kryeministri Rama mblodhi artistët dhe disa sipërmarrës dhe bëri prezantimin e projektit të ri të Teatrit ku sipas tij do të ketë 3 fish të sipërfaqes më të madhe dhe se pas tij do të ndërtohen 4 kulla.
Por sot ajo që ka qarkulluar në media është një video e publikuar nga shoqëria civile “Nisma Thurje” e cila shpjegon se si do të bëhet tjetërsimi i pronës publike në atë private. Po ashtu siç shihet edhe nga grafiku nuk do të jenë 4 po 7 kulla të cilat do të ndërtohen aty.
Postimi i plotë në Facebook:
Ja si po vidhet trualli publik dhe po i jepet përjetësisht një privati, me pretekstin se po na ndihmon të ndërtojmë teatrin.
Që ta keni të gjithë të qartë, askush nuk do t’ja dijë për teatrin. Kryetarit të Bashkisë dhe Kryeministrit nuk i intereson fare teatri. Ata e përdorin teatrin dhe krijojnë një debat aty vetëm e vetëm për të mbuluar transferimin gjigant që po i bëjnë tokës publike, tokë që na takon secilit prej nesh, në mënyrë hajdute, një privati. Po na e marrin ne dhe po ja japin një njeriu, mijëra metra katrorë.
Kjo është kriminale!
Për të bërë stadiumin kombëtar, i desh t’i falnim një pjesë të barabartë toke publike sa stadiumi, ndërtuesit që të bënte një kullë; Për të bërë Teatrin Kombëtar na duhet t’i falim tokë publike të barabartë me teatrin ndërtuesit që të bëjë kullë;
Si funksionoka kështu? Duhet t’i japim ndërtuesve gjysmën e Shqipërisë, që të na ndërtojnë gjysmën tjetër?
Kjo është kriminale!
Shpërndaje për të treguar që as ti s’bie dakord me këtë krim!
