Edhe grupi muzikor "Lynx" i rrymës “rock” ka vendosur të ndahet. Lajmi është publikuar në mediat rozë ku thuhet se vokalisti Endrik Beba, ka deklaruar shkëputjen nga anëtarët e tjerë, për shkaqe ende të paditura. Gazetarët e kanë kontaktuar Endrikun por ai ka thënë se asgjë s'është akoma zyrtare, por nuk e ka mohuar largimin prej grupit.
Duket se "Lynx" janë infektuar prej fenomenit që përshiu pak vite më parë edhe një tjetër grup të njohur roku, si "Burn". Edhe atëherë ishte vokalisti Renis Gjoka, i cili u shkëput për të vazhuar karrierën si solist.
