Imagjinoni skenën. Po lexoni një gazetë dhe aty ka një lajm interesant për tenisten e njohur Maria Shaparova. Shkrimi është kaq interesant sa ju as nuk e vini re që personazhi i shkrimit ndodhet në një avion me ju, madje ulur direkt pas sediljes tuaj. Kjo i ndodhi sot një burri të panjohur, i cili pa e ditur është bërë pjesë e një zinxhiri mesazhesh në Twitter, ku të gjithë kërkojnë vetëm një gjë: të dinë kush është ai.
Po si ka dalë kjo histori? Maria Shaparova postoi sot në Twitter foton e një burri që po lexon gazetën ku gjendet një lajm për të dhe e shoqëron me diçiturën: “Hej shoku, jam këtu pas kurrizit tënd…”, duke shtuar në fund një fytyrë të qeshur.
Kështu duke marrë shkas nga kjo, britanikja Mirror ngre disa pyetje:
1. Cili është burri misterioz në foto?
2. E ka kuptuar ai që është bërë subjekt i një Tëitter-i që po bën xhiron e botës?
3. Ç’bën Maria Shaparova e ulur në klas ekonomik?!
4. Kontrolloni njëhërë vërdallë ndërkohë që lexoni këtë shkrim. Mos ndoshta Maria Shaparova ndodhet prapa kurrizit tuaj?
Lapsi.al
