Ndërkohë që mediat angleze shkruajnë për suksesin e tenorit shqiptar Saimir Pirgu, në skenën e Operas Mbretërore në Londër, ai vetë ka gjetur një moment për të lajmëruar ndjekësit e tij se sot ditëlindjen e tij të 33-të ai do ta festojë pikërisht në këtë skenë.
“Sot 33 vjeç e festoj në skenë ditëlindjen time. Ku ka me bukur.. Faleminderit të gjithëve për urimet tuaja “, ka shkruar ai në profilin e tij në Facebook.
Pas sukseseve në shumë skena botërore, tashmë ai gjendet në Royal Opera Hose për të interpretuar në rolin e Dukës së Mantovës, në operën Rigoletto, të kompozitorit Italian Xhuzepe Verdi.
