Dukesha e Kembrixhit, Kate, është sërish shtatzënë, sipas një njoftimi për shtyp nga Pallati i Kensington, në Britaninë e Madhe. 32 -vjeçarja po pret fëmijën e saj të dytë me Princin William. Çifti mbretëror nuk e ka fshehur kurrë dëshirën për të zgjeruar familjen e tyre dhe për t’i dhënë një motër ose vëlla Princit George. Gjatë shtatëzanisë së parë, Princesha Kate vuajti nga Hyperemisis Gravidarum, një sëmundje që prek disa gra shtatëzëna. Njoftimi për shtyp thotë se Princesha Kate nuk do ta shoqërojë bashkëshortin e saj Princin William në disa prej evenimenteve të planifikuara, ku ai pritet të marrë pjesë në vazhdën e detyrimeve mbretërore.
