Adam Sandler është përballur me kritika në rrjetet sociale pas paraqitjes së tij në premierën e filmit të ri të bashkëshortes, Jackie Sandler, në Los Angeles.
Aktori 59-vjeçar shoqëroi partneren e tij në premierën e filmit të Netflix “Office Romance”, ku ajo luan përkrah Jennifer Lopez. Ndërsa Jackie u shfaq elegante me një fustan të zi me shkëlqim dhe taka të larta, Sandler zgjodhi stilin e tij të zakonshëm casual.
Ai u fotografua i veshur me një hoodie portokalli të ekipit New York Knicks, pantallona sportive blu dhe atlete shumëngjyrëshe, duke nxitur reagime të shumta në internet.
Shumë fansa kritikuan aktorin për mungesën e një veshjeje më formale në një event të tillë, ndërsa të tjerë e mbrojtën, duke thënë se ky është stili që e karakterizon prej vitesh.
Megjithatë, kjo nuk është hera e parë që Adam Sandler bëhet viral për paraqitjet e tij në evente prestigjioze. Aktori është i njohur për preferencën ndaj veshjeve sportive dhe komode, edhe në tapetet e kuq të Hollywood-it.
Sandler dhe Jackie janë të martuar që nga viti 2003 dhe kanë dy vajza së bashku.
