Grupi i njohur K-pop BTS ka dominuar mbrëmjen e “American Music Awards 2026”, duke fituar të tre çmimet për të cilat ishte nominuar, përfshirë edhe çmimin më të rëndësishëm të ceremonisë: “Artist of the Year”.
Grupi fitoi gjithashtu çmimin për “Best Male K-pop Artist” dhe “Song of the Summer” me këngën “Swim”, kënga kryesore e albumit të tyre të ri “Arirang”.
Gjatë fjalimit të pranimit të çmimit kryesor, lideri i grupit RM falënderoi fansat në mbarë botën për mbështetjen e vazhdueshme.
“Armys, ia dolëm edhe një herë! Është një nder të marrim këtë çmim të çmuar. Falënderimet tona më të mëdha shkojnë për fansat në mbarë botën që na kanë mbështetur për 13 vite,” u shpreh ai.
Edhe anëtarë të tjerë të grupit theksuan rikthimin e tyre pas përfundimit të shërbimit të detyrueshëm ushtarak në Korenë e Jugut dhe pritjen e madhe për albumin e ri.
BTS hapi gjithashtu ceremoninë me një performancë të regjistruar paraprakisht të këngës “Hooligan”, ndërsa në skenë prezantoi edhe një nga çmimet e mbrëmjes.
Në këtë edicion të AMA-s u vlerësuan edhe artistë të tjerë të skenës muzikore, ku disa grupe dhe këngëtarë K-pop siguruan çmime të rëndësishme.
Albumi “Arirang” u publikua më herët këtë vit dhe debutoi menjëherë në vendin e parë në “Billboard 200” në SHBA.
