Nelly Furtado është rikthyer në qendër të vëmendjes duke paralajmëruar rikthimin e saj në muzikë pas një periudhe larg skenës.
Këngëtarja kanadeze ndau në Instagram një pjesë të këngës së saj të re “Torture of the Heart”, një bashkëpunim me DVBBS.
Rikthimi i artistes vjen pas një periudhe të vështirë, pasi në vitin 2025 ajo njoftoi se do të largohej përkohësisht nga industria muzikore, duke përmendur presionin dhe komentet negative lidhur me pamjen e saj fizike.
“Kam vendosur të tërhiqem nga performancat për një periudhë dhe të fokusohem në aspekte të tjera kreative dhe personale të jetës sime”, kishte shkruar ajo në atë kohë.
Megjithatë, gjatë vitit 2026, Nelly është rikthyer gradualisht në skenën publike, duke marrë pjesë në disa evente të rëndësishme dhe duke u nderuar për kontributin e saj në muzikë.
Bashkëpunëtorët e saj të rinj kanë vlerësuar talentin dhe autenticitetin e artistes, duke e cilësuar atë si “një artiste unike”.
Kënga e re “Torture of the Heart” pritet të publikohet më 29 maj.
