Russell Crowe ka reaguar pas videos virale ku ai shihej duke u folur ashpër fansave që prisnin autografe jashtë hotelit të tij në Paris.
Aktori i “Gladiator” e quajti videon e publikuar nga TMZ “clickbait”, duke insistuar se situata ishte menaxhuar pa probleme dhe se të gjithë fansat morën autografe dhe foto.
“Njerëzit morën autografët dhe selfiet e tyre, hyrja e hotelit mbeti e lirë për mysafirët dhe unë arrita në aeroport në kohë,” shkroi Crowe në platformën X.
Clickbait. Everybody got their autograph and selfie, the passage to the hotel was kept free for guests, and I still got to the airport on time. One man, no security. Handled. What’s your problem ? https://t.co/Yxo2BIFSe9
— Russell Crowe (@russellcrowe) May 26, 2026
Në videon që u bë virale, aktori paralajmëronte fansat të mos shtynin dhe të silleshin me respekt gjatë takimit të improvizuar.
“Qëndroni aty ku jeni, mos u shtyni. Do të vij unë te ju,” dëgjohet të thotë ai në video.
Gjatë momentit, një fans i kërkoi Crowe të shkruante edhe emrin e personazhit të tij Maximus nga filmi “Gladiator”, por aktori refuzoi shkurtimisht me një “Jo”.
Pas publikimit të videos, Crowe reagoi sërish duke theksuar se nuk kishte asnjë truprojë me vete dhe se e menaxhoi vetë gjithë situatën. Aktori ndodhej në Paris së bashku me partneren e tij Britney Theriot për të ndjekur turneun “French Open”.
