Policia ka zhvilluar kontrolle në disa banesa në zonën e Bërxullës, në kuadër të hetimit për vrasjen e Edmond Sulës, ngjarje e ndodhur më 12 korrik të këtij viti në Vorë. Bëhet me dije se gjatë operacionit janë shoqëruar disa persona për tu marrë në pyetje, ndërsa autoritetet po analizojnë të gjitha pistat që mund të çojnë në identifikimin e autorëve të atentatit.
Fokusi i këtyre kontrolleve ka qenë në pronat dhe banesat e pjesëtarëve të familjes Loci, ku janë kërkuar prova materiale që mund t’i shërbejnë zbardhjes së ngjarjes. Pista kryesore ku po përqendrohen hetuesit lidhet me një konflikt të mundshëm pronësie mes viktimës Edmond Sula dhe personave të shoqëruar nga policia.
