Goldie Hawn, ka deklaruar se nuk e përjashton mundësinë e rikthimit në ekran, por thekson se gjithçka varet nga cilësia e skenarit.
Në një intervistë për PEOPLE, aktorja e filmave “Overboard” dhe “Death Becomes Her” tha se nuk është e interesuar të aktrojë vetëm për hir të aktrimit.
“Ka të bëjë me përmbajtjen. Kam lexuar shumë skenarë që nuk më kanë pëlqyer ose nuk kam menduar se më përshtaten,” u shpreh Hawn.
Aktorja, e cila nuk ka luajtur në një projekt të madh që prej “The Christmas Chronicles 2” (2020), ku u shfaq si Mrs. Claus përkrah partnerit të saj afatgjatë Kurt Russell, tha se e respekton karrierën e saj të gjatë dhe të suksesshme.
“Kam bërë një karrierë të mrekullueshme dhe e vlerësoj shumë. “Por nuk më motivon më të aktroj nëse projekti nuk ka vërtet vlerë për mua.”
Hawn u bë e famshme në vitet ’60 me “Rowan & Martin’s Laugh-In” dhe fitoi Oscar për aktoren më të mirë dytësore në filmin “Cactus Flower” (1969). Më vonë, ajo u nominua për Oscar për “Private Benjamin” dhe luajti në hite si “Shampoo” dhe “The First Wives Club”.
Aktorja nuk e përjashton një projekt të mundshëm familjar me vajzën e saj Kate Hudson, si dhe me anëtarët e tjerë të familjes që janë gjithashtu aktorë. “Do të ishte shumë argëtuese. Ne kemi menduar për këtë ide, por kurrë mos thuaj kurrë,” shtoi ajo.
