Jennifer Aniston ka bërë publike lidhjen me Jim Curtis — dhe ish-bashkëshorti i saj, Justin Theroux, duket se e ka përkrahur këtë romancë.
Aktori i njohur 54-vjeçar ishte një nga 1.5 milionë personat që pëlqyen postimin në Instagram ku Aniston, 56 vjeç, ndau një foto bardhë e zi me partnerin e saj të ri, duke e shoqëruar me përshkrimin: “Gëzuar ditëlindjen dashuria ime e çmuar.”
Çifti u martua në vitin 2015 dhe u nda miqësisht tre vite më vonë, në 2018. Sipas “Page Six”, martesa e tyre mori fund pasi Aniston nuk arriti të përshtatej me jetën në New York, ku Theroux zotëronte një apartament në Greenwich Village. Ndërkohë, aktori i “The Leftovers” është aktualisht i martuar me Nicole Brydon Bloom — dyshja kurorëzoi dashurinë në mars të këtij viti.
Jennifer Aniston dhe Curtis nisën të përfliten për romancë që në korrik, kur u fotografuan në një jaht luksoz në Mallorca, së bashku me Jason Bateman dhe bashkëshorten e tij, Amanda Anka.
Pas pushimeve, Curtis e përmendi hapur lumturinë e tij në një postim, duke shkruar: “Kur isha i sëmurë dhe i trishtuar, s’e mendoja kurrë se do përjetoja kaq shumë dashuri e gëzim çdo ditë.”
Vetëm pak ditë para se aktorja e “Friends” ta bënte lidhjen publike, Curtis i dha një ndjekësi në Instagram këshilla për dashurinë në moshën 40-vjeçare. “Dashuro veten. Kur e bën këtë, tërheq më shumë dashuri rreth teje.”
