lDJ i njohur amerikan, Diplo, ka habitur fansat me një deklaratë gjatë paraqitjes së tij në podkastin “Smart Girl Dumb Questions”.
Gjatë bisedës me moderatoren Nayeema Raza, artisti foli për provincën kanadeze Quebec, duke e përshkruar si “një vend i nxehtë”.
Kjo bëri që moderatorja të përmendte se “Kanadaja ka një kryeministër tërheqës”, duke iu referuar Justin Trudeau – me të cilin këngëtarja Katy Perry thuhet se po takohet aktualisht.
Në atë moment, Diplo u përgjigj duke i befasuar të gjithë: “Kam dalë me Katy Perry... por edhe me Trudeau,” – tha ai me shaka.
Më pas shtoi: “Ajo ishte një përvojë e çuditshme... nuk jam në pozicionet e duhura për këtë.”
Deklarata e tij bëri menjëherë xhiron e rrjeteve sociale, me shumë fansa që u hutuan nëse ai po fliste seriozisht apo jo. Megjithatë, ekipi i podkastit sqaroi në YouTube se komenti për Trudeau ishte një shaka.
“Haha! Jo, ajo pjesë ishte shaka,” – shkruan administratori i llogarisë zyrtare.
Nëse shaka apo jo për Trudeau-n, një gjë është e sigurt: Diplo dhe Katy Perry kanë pasur një lidhje të shkurtër në vitin 2014. Dyshja u pa së bashku në festivalin Coachella dhe në disa evente muzikore.
Më vonë, në një intervistë me James Corden në vitin 2017, Katy Perry e renditi Diplo-n si “të tretin në listën e dashnorëve më të mirë”, pas John Mayer dhe Orlando Bloom. DJ-ja iu përgjigj me humor në Twitter duke shkruar:
“As nuk e mbaj mend që kemi bërë seks,”
dhe më pas shtoi: “Fitova medaljen e bronztë në Olimpiadën e seksit.”
