Flash

Jonathan Bailey shpallet “Burri më seksi i vitit 2025” nga People

Lapsi.al 4 November 2025
Jonathan Bailey shpallet “Burri më seksi i vitit 2025” nga

Jonathan Bailey i është dhënë titulli “Burri më seksi për vitin 2025” nga revista prestigjioze People.

Lajmi u zbulua fillimisht nga Page Six, pak orë përpara njoftimit zyrtar që u bë mbrëmjen e së hënës në emisionin “The Tonight Show Starring Jimmy Fallon”.

Actor I “Wicked: For Good” dhe “Bridgerton” e përshkroi këtë vlerësim si “nderin e jetës” dhe pranoi se “ende nuk mund ta besojë” momentin.

“Është nderi më i madh i jetës sime,” – tha ai me humor gjatë intervistës me Fallon. – “Ende po qesh nga emocionet.”

Bailey zbuloi se kishte mësuar lajmin më herët gjatë këtij viti, ndërsa luante në skenë në dramën “Richard II” të Shakespeare.

“Nuk është një komedi, kështu që ishte një periudhë intensive. Por ndoshta gjëja e vetme më e çmendur se të luash ‘Richard II’ është të të përzgjedhin si Burri më seksi i vitit,” – shtoi ai me shaka.

Bailey bëhet burri i parë homoseksual që mban këtë titull të revistës People.

Në intervistën e tij, aktori tha se miqtë e tij “do të jenë të xhindosur” që nuk ua ka treguar më herët lajmin, por se “do të shpërthejnë nga gëzimi” sapo ta mësojnë.

“Ata më njohin që fëmijë, e dinë kush jam pas maskës së një njeriu ‘seksi’. Ata e dinë të vërtetën time,” – u shpreh Bailey.

Jonathan tregoi gjithashtu se ëndërron të bëhet baba “nëse yjet përputhen”, dhe se takimi i tij ideal ndryshon sipas fazës së lidhjes: nga shëtitjet romantike, darkat në teatër e deri te “mbrëmjet me Lego dhe pica”.

Në fund të intervistës, Bailey shtoi se ndihet “jashtëzakonisht me fat” për gjithçka që po përjeton.

“Jeta është një udhëtim për të gjithë, kudo që të jemi. Rëndësi ka të shikojmë përreth dhe të kujdesemi që njerëzit pranë nesh të jenë mirë,” – tha ai.

Në vitet e mëparshme, titullin “Sexiest Man Alive” e kanë mbajtur John Krasinski (2024), Patrick Dempsey (2023), Chris Evans (2022) dhe Paul Rudd (2021).

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

18°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI