Travis Kelce, ka ndarë për herë të parë detaje të rralla rreth momentit kur i propozoi për martesë këngëtares së famshme Taylor Swift.
Në një intervistë të dhënë për Erin Andrews përpara ndeshjes së fundjavës në “NFL on Fox”, Kelce tregoi se emocioneve nuk u shpëtoi dot as ai vetë.
“Pati disa lot këtu e atje,” – u shpreh ai duke qeshur. “Jam një djalë emocional.”
Travis pranoi se duart i dridheshin nga emocionet.
“Ka qenë një rrugëtim i jashtëzakonshëm deri në këtë moment,” shtoi ai. “Nuk po e përmbaj dot padurimin për të kaluar pjesën tjetër të jetës me të.”
Atleti i NFL-së i bëri propozimin muajin e kaluar, menjëherë pas pjesëmarrjes së Swift në podcastin e tij dhe të vëllait të tij, Jason Kelce, “New Heights”.
Çifti ndau disa foto nga momenti i veçantë në Instagram në gusht, me një përshkrim:
“Mësuesja e anglishtes dhe mësuesi i edukimit fizik po martohen.”
Edhe pse zbuloi disa detaje, Travis tha se dëshiron që Taylor ta tregojë vetë versionin e saj të historisë. “Do të jetë shumë bukur kur ajo ta ndajë nga këndvështrimi i saj,” tha ai.
