Në Katar luhej finalja, por kishte motiv për të gjithë të festonin. Franca që arriti finalen e dytë radhazi e Maroku se bëri historinë. Por nëse në Botëror kishte vetëm entuziazëm, Franca u bë arena e luftimeve mes tifozëve, ku pati edhe një viktimë në Montpellier. Rrugët e qytetit u kthyen në skenë guerrilje me përplasje mes tifozëve francezë e marokenë. Policia ka ndërhyrë për të qetësuar situatën.
Një djalë ka humbur jetën natën në Montpellier, i goditur nga një makinë. Djaloshi 14 vjeçar mbeti vitikë gjatë festimeve për kualifikimin e Francës në finalen e Kupës së Botës në Katar, pasi fitores me Marokun. Personi në timonin e mjetit është larguar, ndërsa “makina është gjetur pranë vendit të aksidentit dhe është sekuestruar”. Sqarimin e kanë bërë vetë autoritetet franceze në një deklaratë, duke saktësuar se “hetimet po vijojnë me shpejtësi”. Një situatë që ngjante shumë me një guerrilje, ku tifozët improvizuan edhe barrikada.
Lexo më tej: Humbja me Marokun, tym e flakë në rrugët e Brukselit
Viktima e aksidentit, e cila u dërgua në spital, ka ndërruar jetë pak pasi ka marrë ndihmën e parë mjekësore. Sipas deputetes Nathalie Oziol siç tregohet në Twitter, "ngjarjet kanë ndodhur në lagjen e njohur La Paillade, ndërsa viktima ishte 14 vjeç. Kjo ngjarje sportive - shtoi ajo - po përfundon në një tragjedi absolute".
