"Faleminderit për atë që bëtë. Ne nuk do ta harrojmë kurrë." Cristiano Ronaldo mbetet ende në heshtje, i tronditur nga humbja e njërit prej binjakëve gjatë lindjes së partneres së tij Georgina Rodriguez. E ndërkohë, motra e kampionit portugez Elma dos Santos Aveiro është kujdesur të falënderojë tifozët e Liverpool për nderimin prekës për vëllain e saj: në minutën e 7 të ndeshjes së Reds kundër Manchester United, i gjithë publiku në Anfield u ngrit në këmbë për të duartrokitur dhe kënduar, duke i dedikuar CR7 himnin e tyre 'Nuk do të ecësh kurrë vetëm'. Një gjest që do të mbetet i skalitur në kujtesë.
Motra e Cristiano Ronaldos komentoi edhe fjalët e teknikut të Liverpool, Jurgen Klopp (“7 ishte e mrekullueshme, i jemi afër Ronaldos”): “Faleminderit Zotit që ka ende njerëz të mirë në botë. Faleminderit të gjithëve për dashurinë dhe respektin për vëllain tim të dashur”.
