Në prag të ndeshjes së kthimit me Chelsean, në çerekfinalet e Ligës së Kampionëve, Carlo Ancelotti e mban vigjilencën lart pavarësisht fitores 3-1 në ndeshjen e parë. "Ajo e ndeshjes së parë mund të jetë një rezultat i rrezikshëm nëse mendojmë më e madhja është kryer - shpjegoi trajneri i Realit -. Duhet të përpiqemi të bëjmë të njëjtën paraqitje si në ndeshjen e parë". “Rregulli i golave si mik nuk është më, ne e dimë dhe e pranojmë, edhe pse mendoj se krijon më shumë ekuilibër”, shtoi ai.
“Chelsea është një skuadër e fortë dhe pres më të mirën prej tyre, nuk mendoj për problemet e tyre të klubit, por për faktin se janë ende kampionë në fuqi të Europës”, vazhdoi Ancelotti, duke folur për forcën e kundërshtarit dhe nevojën për mos e nënvlerësuar ndeshjes pas fitores në Londër.
Pastaj tekniku italian ka bërë edhe disa batuta për individët. “Benzema është përmirësuar në drejtim të lidershipit vitet e fundit, ai ndihet gjithnjë e më i rëndësishëm në skuadër dhe ka ruajtur atë personalitet që e ka dalluar gjithmonë – shpjegoi trajneri i Realit –. Për momentin ai është qendërsulmuesi më i mirë i këtij futbolli, një futboll që evoluon dhe i shtyn interpretuesit e roleve të ndryshme të ndryshojnë mënyrën se si luajnë”. "Ai shënon dhe mbi të gjitha merr pjesë dhe është gjithmonë në qendër të lojës së ekipit - shtoi ai -. Prania e tij ndihmon edhe lojtarët e rinj të rriten, siç ndodhi me Vinicius, pastaj pjesa tjetër bëhet nga cilësitë që kanë. Braziliani ndjen besimin e skuadrës, që nuk i ka munguar asnjëherë edhe kur nuk luante dhe, me Benzema, e gjen veten në mënyrë perfekte në fushë", përfundoi trajneri i Blancos.
