Me një garë kryevepër, Charles Leclerc dominoi Çmimin e Madh të Australisë duke shënuar fitoren e dytë të sezonit përballë Sergio Perez dhe George Russell. Gara e tretë e sezonit e dominuar nga piloti nga Monaco dhe e vendosur nga tërheqja në xhiron e 39 e Max Verstappen për shkak të një problemi me njësinë e fuqisë së Red Bullit të tij. Për Leclerc edhe pika-bonus e xhiros më të shpejtë në garë. E vetmja stonaturë e triumfit të Ferrarit ishte tërheqja e Carlos Sainz në xhiron e dytë. Vendi i katërt në finish për Leëis Hamilton përpara McLaren të Norris dhe Ricciardos. Leclerc kryeson renditjen e përgjithshme me 71 pikë.
"Kjo është hera e parë që fitoj në një situatë kontrolli total, punë e shkëlqyer gjatë gjithë fundjavës. Ne ishim superiorë në ritmin e garës dhe i menaxhuam gomat në mënyrë perfekte. Rinisja e dytë nga Safety Car ishte paksa e vështirë, por rifitova kontrollin brenda disa kthesave. Jemi vetëm në garën e tretë, por nëse arrijmë të ruajmë këtë nivel të performancës dhe besueshmërisë, mund të mendojmë për të fituar titullin... dhe kjo është e mrekullueshme". Kryesimi i botërorit me dy fitore në tre GP dhe 71 pikë e shtyn Leclerc të aplikojë zyrtarisht për të fituar titullin botëror.
"Në kualifikuese arritëm të bënim xhiron e përsosur, Verstappen nga ana tjetër nuk e bëri kështu që menduam se mund të ishim më konkurrues në garë... Por sot makina ishte një bishë! Bëja gjithçka që doja, edhe me gomat. Nuk ishim perfekt në rinisjet pas Safety Car. Bëra një gabim në kuptimin që duke u përgatitur për rinisjen u hapa dhe kjo më bëri të humbas kontrollin, por përvec kësaj ishte një garë shumë e mirë. Në fund insistova të bëja përmirësimin e xhiros të shpejtë, sepse e njoh veten dhe e di që – nëse jam vetëm përpara – më duhet një objektiv për të qëndruar i fokusuar”, përfundoi piloti i Ferrarit pas fitores.
