Flash

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

Partizani shënon gol pa portierin në portë, Teuta dorëzohet 3-1: Mehmeti merr vendin e katërt

Lapsi.al 9 April 2022
Partizani shënon gol pa portierin në portë, Teuta dorëzohet

Partizani imponohet 3-1, në Elbasan Arena, përballë Teutës, duke marrë vendin e katërt në Superiore. Skuadra e Mehmetit kërkon me cdo kusht të arrijë Europën, që përmes Kupës është vënë tashmë në dyshim, me shkodranët që do ta luajnë kthimin në shtëpi pas 0-0 në vajtje. Durrsakët rrezikojnë tani të përfundojnë në playout dhe shkojnë në Lac për ndeshjen e kthimit të Kupës të dërrmuar psikologjikisht.

Të parët që zhbllokuan ndeshjen ishin miqtë që shfrytëzuan pikërisht një gabim të Hoxhës, për të marrë epërsinë në minutën e 27’ me Ivanovic. Arapi shpresonte të shkonte në pushim në avantazh, por planet ia prishi Skuka, që në minutën e dytë shtesë barazoi rezultatin. Arbitri Hamiti e anulloi golin për pozicion jashtë loje të dibranit, por VAR dëshmoi se ishte mbrojtësi i Teutës ai që coi topin drejt Skukës.

Partizanit përmbysi situatën në minutën e 52’ me Bitrin, që me një goditje me kokë, në sugjerimin e Kallakut, mposhti Qirkon duke regjistruar shifrat në 2-1. Me ndeshjen të hapur deri në minutën e 96, Qirko mendoi të jepte një dorë ndihmë, në minutën e fundit shtesë, por braktisja e portës nuk ishte lëvizja e duhur dhe kundërsulmi i Mirosavljev, që vrapoi e dribloi i pandaluar nga askush, finalizoi golin e tretë dhe vendimtar.

Fitorja e dytë radhazi për të besuarit e Mehmetit, rezultati i tretë pozitiv në seri, ndërsa Teuta është në vështirësi të madhe, me zonën e playout tani vetëm një pikë larg.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

11°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI