Mbledhja e kryesisë ku u mor vendimi për përjashtimin e Sali Berishës nga Partia Demokratike ka zgjatur deri në orët e para të mëngjesit. Sipas një raportimi të Panoramës, që nxorri fotot nga kamerat e sigurisë në sallën ku zhvillohej mbledhja, anëtaret e kryesisë kanë folur të irrituar ndaj Berishës.
Për shembull kryetarja e Këshillit Kombëtar Arta Sakja është shprehur e habitur se si Berisha nuk ishte shkarkuar më parë. "Akoma nuk e kemi shkarkuar ne këtë?!" raportohet të ketë thënë Sakja gjatë mbledhjes. Njësoj e acaruar duket të ketë qenë edhe deputetja Greta Bardelli. "Kriminelë kam për t'i quajtur nëse më dalin përpara" raportohet të ketë thënë Bardelli, duke iu referuar protestës së ditës së shtunë kur demokratët e thirrur nga Berisha tentuan të hapin dyert e selisë dhe u përleshën me ata që qëndronin brenda.
Veç Berishës, të përjashtuar nga të gjitha funksonet dhe nga partia janë edhe të tjerë organizatorë të protestës.
1. Sali Berisha
2. Flamur Noka
3. Edmond Spaho
4. Albana Vokshi
5. Bujar Nishani
6. Arben Ristani
7. Rigels Muçollari
8. Keltis Kruja
9. Klevis Balliu
Një grupim tjetër është pezulluar. Deputetëve u është dhënë edhe një shans tjetër për t'u distancuar publikisht nga aktet e dhunës ndaj Partisë Demokratike, dhe veprimeve që dëmtojnë interesat elektorale apo politike të Partisë Demokratike. Këta janë si më poshtë:
1. Agron Shehaj
2. Aldo Bumci
3. Belind Këlliçi
4. Blendi Himçi
5. Clirim Gjata
6. Edi Paloka
7. Edith Harxhi
8. Eno Bozdo
9. Ervin Minarolli
10. Genc Deromemaj
11. Genc Pollo
12. Gent Strazimiri
13. Ivi Kaso
14. Ledina Mandija
15. Lorenc Luka
16. Luan Baçi
17. Mimoza Hajadrmamataj
18. Oerd Bylykbashi
19. Tritan Shehu
Ky është spastrimi më i madh i kundërshtarëve që Lulzim Basha tenton të bëjë ndonjëherë në PD. Me largimin e deputetëve dhe mbështetësve të Berishës, në selinë blu mbetet një grup parlamentar thuajse i përgjysmuar. Ndërkohë nga ana tjetër, Berisha ka paralajmëruar rikthimin në selinë blu përmes një proteste akoma më të fuqishme, ku do të jenë parashikuar masat e duhura për ta marrë godinën.
Vendimi për përjashtimin e Berishës e thellon më tej çarjen në PD dhe i pret rrugën një propozimit që mund të çojë në një formë paqeje mes demokratëve, siç është një proces zgjedhjesh që përcakton drejtimin e partisë. Për momentin palët janë vetëm duke iu larguar rrugës së pajtimit, ndërsa tentojnë të zënë llogoret në selinë blu sipas teorisë, sipas parimit: dhëmb për dhëmb e sy për sy me armikun./Lapsi.al
