Gol me goditje dënimi, është dicka e panjohur në shtëpinë e Juventus. Bardhezinjtë në të gjithë vitin 2021 nuk kanë gjetur asnjë gol direkt nga goditja e lirë. Mallkimi ka rrënjë të forta në sezonet e fundit, i zhbllokuar nga njeriu që - në fakt - filloi trendin negativ: Cristiano Ronaldo. Në aventurën e tij me Juventus, portugezi katalizoi të gjitha goditjet e akorduara në hyrje të zonës së penalltisë (përtej pozicionit) për të gjetur rrjetën vetëm një herë nga shtatëdhjetë e dy tentativat.
Goli i vetëm i CR7 nga një goditje dënimi në Torino, i korrespondon gjithashtu të fundit të shënuar nga Juventus dhe daton në 4 korrik 2020: derbi kundër Torinos dhe në atë kohë ishte tentativa e tij e dyzetë e tretë me goditje dënimi. Ardhja e portugezit i kishte tronditur hierarkitë ekzistuese deri në atë moment te Juventusi i parë i Allegrit: ku Pjanic ishte më produktivi me nga tre gola për secilin nga dy sezonet e mëparshme dhe Dybala, ai që e ndiqte për faktin se kishte shënuar si në kampionat ashtu edhe në Ligën e Kampionëve (kundër Atletico Madridit) me një cilësi të caktuar. Tema ishte sërish e nxehtë verën e kaluar, kur u rikthye Max dhe sërish ishte në skuadër Ronaldo: “Kush do t’i ekzekutojë goditjet e lira këtë vit? Cristiano është i aftë nga më largësi. Goditjet nga e djathta do të jenë të Dybala i cili është mëngjarash dhe më pas do të shohim nëse do të vijë një lojtar djathtosh”.
Referencat verore të trajnerit të Juventusit dukej se synonin rikthimin e mundshëm të Miralem Pjanic, për të cilin u përfol te Juventus deri në ditën e fundit të merkatos. Në realitet, edhe Locatelli është djathtosh, edhe pse deri më tani nuk është propozuar asnjëherë me një vazhdimësi të mirë. Më tepër nga krahu i majtë, e kanë provuar edhe Bernardeschi dhe Bonucci, ndonëse pa rezultat. Ndërsa Dybala ndoqi zonën më të përshtatshme për majtoshët. Megjithatë, pasaktësia e tentativave ka bërë që kohët e fundit të preferohet kombinimi indirekt në ngushticë, në mënyrë që të përpiqet të vërë në lojë aftësitë e lojtarëve më të mprehtë para portës. Në pritje që dikush të zhbllokohet ose - herët a vonë - të vijë një zgjidhje e përshtatshme nga merkato.
