Video/ Luftë në Honduras për një ndeshje: tre të vrarë, 10 të plagosur me pistoleta e thika para finales për titullin

Tre persona janë vrarë dhe 10 janë plagosur pas trazirave para një ndeshje në Tegucigalpa, në Honduras. Incidentet ndodhën përpara ndeshjes së planifikuar mes Motagua dhe Olimpia të shtunën në mbrëmje. Dhuna filloi kur autobusi i lojtarëve të Motagua u sulmua me gurë gjatë rrugës për në Stadiumin Kombëtar, ku mbetën të plagosur tre lojtarë, të cilët më vonë u shtruan në spital me lëndime në fytyrë. Mes të lënduarve ishin Roberto Moreira, Jonathan Rougier dhe ish-mbrojtësi i Celtic Emilio Izaguirre, i cili më vonë postoi lëndimet e tij në rrjetet sociale. Luftimet më pas vazhduan brenda dhe jashtë fushës para ndeshjes, duke detyruar zyrtarët të anulonin ndeshjen ndërsa policia përdori gaz lotsjellës për të shpërndarë turmat. “Tre persona vdiqën dhe shtatë u qëlluan dhe u goditën me thikë”, tha për Reuters Laura Schoenherr, një zëdhënëse e Spitalit të Shkollës Universitare shtetërore. “Njëri prej tyre është një adoleshent. Tre nga të rriturit e plagosur janë në gjendje kritike.” Motagua i përshkroi incidentet si "të dënueshme" dhe fajësoi anëtarët e klubit të tifozëve Ultra-Faithful Olimpia për sulmin në autobus. Klubi gjithashtu u ka bërë thirrje autoriteteve të vendosin sanksione. Rreth 5000 policë ishin thirrur për ndeshjen, e cila konsiderohej me rrezikshmëri të lartë pasi ishte përballja e parë mes trajnerit të Motagua, Vasquez dhe trajnerit të ri të Olimpias, Pedro Troglio. Ish-lojtari i Celtic Izaguirre pohoi pas ndeshjes se lëndimet e tij nuk ishin "asgjë serioze" dhe se "rreziku ka kaluar".

?? Nuestros jugadores, Emilio Izaguirre, Roberto Moreira y Jonathan Rougier, están siendo atendidos en un centro hospitalario después del ataque vandálico a nuestro bus pic.twitter.com/8rptzSYmZk

— Fútbol Club Motagua (@MOTAGUAcom) August 18, 2019

Nuk është hera e parë që ndodhin incidente të rënda rreth ndeshjeve në elitën e futbollit të Hondurasit. Në të vërtetë, në vitin 2018, ndeshjet në shtëpi të Olimpias dhe Motaguas në raundin e 16 më të mirave në Ligën e Kampionëve të CONCACAF duhej të luheshin në vende të ndryshme për shkak të trazirave politike në vend. Më parë atë sezon, një ndeshje midis Marathon dhe Real Espana u braktis si rezultat i pushtimeve të fushës nga turma dhe më pas u riplanifikua disa herë.