Fitore për Liverpool dhe Arsenal në javën e trembëdhjetë të Premier League. Reds nuk i lënë asnjë shans Southampton me një 4-0 të pastër që i çon të besuarit e Klopp në vetëm një pikë prapa Chelsea kryesues, që pritet nesër nga ndeshja e madhe me Manchester United. Gunners ia dolën mirë gjithashtu, duke fituar 2-0 ndaj Newcastle dhe duke u balancuar në vendin e pestë. Në ndeshjet e tjera Aston Villa e Gerrard bëri goditjen 2-1 në Crystal Palace, ndërsa Norwich-Wolverhampton përfundoi 0-0.
CRYSTAL PALACE-ASTON VILLA 1-2
Fitorja e dytë në po aq ndeshje për Steven Gerrard në aventurën e tij të re në pankinën e Aston Villa, i aftë për të kryer goditjen në transfertë ndaj Crystal Palace. Villian morën avantazhin sapo nisi ndeshja me Targett që shënoi pas 15 minutash. Vendësit u përpoqën të reagonin por Aston Villa u mbrojt shumë mirë duke e bërë veten të rrezikshëm në kundërsulm dhe kështu McGinn dyfishoi tre minuta nga fundi. Në shtesë të plotë, erdhi goli i flamurit i Guehi që nuk është se vlen shumë.
LIVERPOOL-SOUTHAMPTON 4-0
I pamëshirshëm Liverpool që mposhti Southampton, të cilit prezenca e Armando Brojës nga minuta e parë nuk është se i shmangu dot disfatën në Anfield, me ndeshjen e mbyllur praktikisht që në pjesën e parë. Dygolëshi i Diogo Jota dhe trisi i Thiago Alcantaras i shembën miqtë pas vetëm 37 minutash lojë. Në fillimin e pjesës së dytë Van Dijk fikson pokerin dhe, më pas, Reds administruan me kujdes. Me këtë sukses skuadra e Klopp afrohet në vetëm një pikë me kryesuesin Chelsea, që luan nesër në ndeshjen e madhe ndaj Manchester United në orën 17:30.
NORWICH-WOLVERHAMPTON 0-0
Zero gola dhe pak emocione mes Norwich dhe Wolves: për vendasit, që vinin nga dy fitore radhazi, një tjetër hap i vogël përpara drejt shpëtimit, ndërsa miqtë janë tre pikë larg zonës së Europës dhe nga vendi i pestë i Arsenal. Lojë e ekuilibruar dhe me ritme të ulëta, edhe pse Wolverhampton tentoi të bëjë goditjen në transfertë, por Norwich është në një moment të shkëlqyer forme dhe arriti të luajë një ndeshje të barabartë, duke anuluar diferencën në renditje.
ARSENAL-NEWCASTLE 2-0
Arsenali korrigjoi menjëherë humbjen e rëndë me Liverpool dhe u rikthye te fitorja duke shënuar suksesin e katërt në pesë ndeshjet e fundit të kampionatit: në Emirates, Gunners mposhtën Newcastle 2-0, gjithnjë e më në fund të kësaj Premier League. Ndeshja u zhbllokua në pjesën e dytë, pas shumë sforcove të lojtarëve të Artetas: Tavares pa depërtimin në zonë të Saka, i cili mposhti Dubravkën me një diagonale perfekte me të majtën. Autori i avantazhit, në minutën e 64, doli për t'i lënë vendin Martinellit, i cili dy minuta më vonë nënshkroi 2-0 me një gjuajtje të shkëlqyer me të djathtën, duke mbyllur ndeshjen. Për të mbajtur portën e pastër dhe për të anuluar përpjekjen e rikthimit të lojtarëve të Howe mendoi Ramsdale, i cili ndali Shelvey disa herë, i vetmi që e provoi në një Newcastle gjithnjë e më shumë i fundit: zero fitore dhe vetëm 6 pikë në 13 ndeshjet e luajtura. Nga ana tjetër, Arsenali u ngjit në kuotën 23 dhe rikonfirmoi kandidaturën serioze për një vend në Evropë.
Premier League England
Arsenal 2-0 Newcastle United
Crystal Palace 1-2 Aston Villa
Liverpool 4-0 Southampton
Norwich City 0-0 Wolverhampton Wanderers
