24 orë para finales së madhe të Euro 2020 kundër Italisë, Phil Foden i ka alarmuar të gjithë në kampin e Anglisë. Talenti i Manchester City, siç raportohet nga Federata Angleze e Futbollit, ka munguar në seancën e fundit stërvitore për shkak të një goditje në gju dhe është në rrezik për ndeshjen kundër Italisë. Në planet e Southgate, megjithatë, 21-vjeçari anglez nuk ishte menduar si titullar.
25 lojtarët e tjerë në ekipin Southgate u stërvitën normalisht në St George's Park përpara finales së të dielës në Euro 2020 kundër Italisë në Ëembley. E gjithë skuadra prej 26 anëtarësh kaloi testet e koronavirusit të kërkuara nga UEFA para ndeshjes. Trajneri anglez nuk ka dyshime në lidhje me formacionin e tij dhe do të konfirmojë 11-shen që morën fitoren në gjysëmfinalen kundër Danimarkës, me Saka, Mount dhe Sterling pas Kane. Foden, nëse rikuperohet, do të jetë një armë shtesë nga pankina, ashtu si kundër danezëve.
