"Si Señor". Kështu PSG zyrtarizoi goditjen e madhe Sergio Ramos, i cili si lojtar i lirë nënshkroi një kontratë deri më 30 qershor 2023. Në Paris natyrisht që tani e kanë të qartë se i kanë shtuar vlerën skuadrës, për të shkuar larg me ambicje: "Mirësevjen Sergio, një diamant tjetër në Paris" shkruhet në komunikatën zyrtare të klubit. "Vendi më i mirë për të vazhduar të ëndërrosh, klubi më i mirë për të vazhduar të fitosh. Do të luftojmë me gjithçka që kemi për të fituar gjithçka. Allez", kanë qenë fjalët e para të spanjollit si lojtar i klubit francez. Kështu, Sergio Ramos rinis nga PSG pas përfundimit të aventurës së tij me Real Madrid pas 16 vitesh së bashku.
Palmares shumë i pasura ai i Sergio Ramos me Real Madrid: 5 suksese në Ligën Spanjolle (2006-07, 2007-08, 2011-12, 2016-17 dhe 2019-20), 4 Champions League (2013-14, 2015-16 , 2016-17 dhe 2017-18), 4 Super Kupa Spanjolle (2008, 2012, 2017, 2020), 2 Kupa e Mbretit (2010-11, 2013-14), 3 UEFA Super Kupa (2014, 2016 dhe 2017), 4 Kupa e botës nga klubi (2014, 2016, 2017, 2018). E tani aventura e re me PSG, që zyrtarizon goditjen e tretë të merkatos pas Hakimit dhe Ëijnaldum, në pritje gjithashtu edhe të Gigio Donnarumma pas Kampionatit Evropian.
"Jam shumë i lumtur që bashkohem me PSG - komentoi Sergio Ramos - Ky është një ndryshim i madh në jetën time, një sfidë e re dhe është një ditë që nuk do ta harroj kurrë. Jam shumë krenar që jam pjesë e këtij projekti ambicioz, pjesë e kësaj skuadre me shumë lojtarë të shkëlqyer. PSG është një klub që tashmë e ka provuar veten në nivelin më të lartë. Unë dua të vazhdoj të rritem dhe të përmirësohem dhe ta ndihmoj ekipin të fitojë sa më shumë trofe", shtoi ai.
"Sot PSG i jep mirëseardhjen një prej lojtarëve më të mëdhenj të epokës sonë. Jemi të kënaqur të njoftojmë se Sergio Ramos është bashkuar me ne", ka thënë Nasser Al-Khelaifi, president dhe CEO i klubit. "Sergio është një lojtar i plotë, një nga mbrojtësit më të mirë në historinë e futbollit. Ai është një konkurrent i lindur, një lider dhe një profesionist i vërtetë. Përvoja dhe ambicia e tij e madhe janë në sinergji të përsosur me atë të klubit. Unë jam krenar që e shoh atë me fanellën e PSG dhe e di që tifozët tanë do t'i bëjnë një pritje fantastike ".
Dhe kjo nuk është e gjitha, sepse sipas L'Equipe, sulmi ndaj Paul Pogba tashmë ka filluar: deri në fund të dritares verore PSG do të përpiqet të bindë Manchester United të shesë xhevahirin e tij, kontrata e të cilit skadon në qershor 2022.
