Arbitri i gjysëmfinales së dytë të Euro 2020, mes Anglisë e Danimarkës, në program nesër në mbrëmje, në stadiumin londinez Wembley, do të jetë hollandezi Danny Makkelie. Arbitri i ka drejtuar njëherë anglezët, në ndeshjen historike të 1/8 të finaleve, e fituar kundër Gjermanisë. Një 'hajmali' tjetër për anglezët, që në anën e tyre do të kenë edhe publikun dhe stadiumin e shtëpisë.
Angli nuk fitonte përballë gjermanëve prej 55 vjetësh e për më tepër kishte një revansh për të marrë në atë 96 famëkeqe, kështu që Makkelie mund të jetë një fatsjellës i vërtetë për Tre Luanët e Southgate, në kërkim të një finale të madhe europiane.
Asistentë do tij do të jenë bashkëkombasit Hessel Steegstra e Jan de Vries, në Var do të veprojë Pol van Boekel ndërsa ndihmësi i tij i parë do të jetë Kevin Blom. Asistenti i dytë dhe i tretë Var do të jenë gjermanët Christian Gittelmann e polaku Pawel Gil. Rumuni Ovidiu Hategan është zgjedhur si zyrtari i katërt i gjysëmfinales.
