Raffaella Carrà dhe Diego Armando Maradona bashkoheshin nga e njëjta aftësi për ta bërë publikun të ëndërronte. Ndoshta edhe për këtë arsye rrugët e tyre ishin të destinuara të kryqëzoheshin. Maradona e vlerësonte shumë Carràn. Deri në pikën e kalimit të një nate në burg, pasi u përpoq të thyente kordonin e policisë që të merrte pjesë në një nga eventet e saj në 1979 në Buenos Aires, kur Pibe ishte vetëm 18 vjeç. Vetë Carrà e ka kujtuar këtë situatë shumë herë. Arena ishte e mbushur plot, por Diego përsëri u përpoq të kalonte vijën e sigurisë për ta dëgjuar atë. Situata degjeneroi në pak caste dhe pas të pashmangshmes "nuk e dini kush jam unë" Pibe de oro e gjeti veten duke kaluar natën në paraburgim. Kur mësoi për episodin, Carrà më pas kërkoi fanellën e tij që të mund ta autografonte.
Disa vjet më vonë, Raffaella Carrà ishte në Madrid. Por nuk e kishte harruar atë djalë që ndërkohë ishte bërë kampion. Carrà donte të nxirrte në ankand fanellën e Diegos... dhe Maradona u paraqit direkt në hollin e hotelit për t'ia dorëzuar asaj personalisht. Nga ai episod lindi një miqësi e jashtëzakonshme.
Edhe pas lamtumirës së Diego Armando Maradonës nga Italia, të dy mbetën në kontakt. Në vitin 2001 ai donte të kthehej në Itali për të kënduar me të në Sanremo, por Raffaella nuk ia këshilloi. Kur ai u kthye në Italia për herë të parë, ai sërisht zgjodhi atë, Raffaellan, në një episod të paharrueshëm të 'Carramba che sorpresa'. Carrà i riktheu favorin reciprokisht duke vallëzuar me Diegon në "Noche del 10". Dhe për vdekjen e Diegos, Raffaella publikoi një mesazh prekës prekës. "I dashur, shoku im i dashur, unë vuaj kaq shumë dhe lutem, ti na le shumë shpejt. Të dua fort".
