Juventus kundër Interit. Për herë të tretë në harkun e tre javëve, por këtë herë do të luhet në Torino. Ndërsa vazhdojnë ti përgjigjen njëri-tjetrit goditje për goditje në kampionat, bardhezinjtë e zikaltrit kthehen në fushë në Allianz Stadium për gjysmëfinalen e ardhjes së Kupës së Italisë, me ekipin e Pirlos paksa të favorizuar nga 2-1 në San Siro, në ndeshjen e parë, me firmën e Cristiano Ronaldos. Kush shkon në finale gjen një mes Atalantës dhe Napolit.
Suksesi në shtëpinë e Juventus i mungon zikaltërve që nga viti 2012, herën e fundit Inter doli i mundur 2-0 (Ramsey dhe Dybala), por ekipi i Contes është në formë të shkëlqyer dhe trajneri rikuperon dy lojtarë të rëndësishëm si Lukaku dhe Hakimi, të cilët humbën të parën për shkak të skualifikimit. Belgu do të formojë dyshen përpara me Lautaro Martinez, ndërsa Sanchez është i skualifikuar dhe Vidal gjithashtu. Në vend të kilianit duhet të jetë Gagliardini, por hipoteza më e guximshme dhe ofensive përfaqësohet nga Eriksen. Në të majtë, ka balotazh tresh mes Darmian, Perisic dhe Young, ndërsa mbrojtja që ka bërë katër ndeshje pa pësuar gol në katër sfidat e fundit të Serie A nuk do të preket.
Nga ana tjetër, Pirlo është gati të ndryshojë edhe një herë Juventusin e tij. Konfirmim për Buffon portierin e Kupës mes shtyllave, ndërsa në krahun e djathtë do të kthehet Cuadrado, i cili pushoi kundër Romës, me Alex Sandro favorit në të majtë ndaj Danilos. Në mes, dyshimi është nëse duhet të propozohet përsëri dyshja e të rinjve (De Ligt dhe Demiral) të përdorur në San Siro apo të futet një mes Bonucci, i cili megjithatë doli i dëmtuar nga ndeshja me Romën dhe Chiellinit, i cili është në formë brilante. Bentancur kthehet në mesfushë pas pezullimit të tij në kampionat, por Arthur nuk po ndihet mirë dhe është në dyshim, ndërsa para tij Kulusevski duhet të mbështesë Cristiano Ronaldon sepse Morata ka temperaturë. Dybala, i cili dje kaloi pothuajse të gjithë seancën me grupin, bashku me ata që nuk kishin luajtur kundër Romës, shpreson në grumbullim: nëse do të ruhet, do të jetë në fushë kundër Napolit të shtunën, kur edhe Ramsey do të kthehet.
FORMACIONET E MUNDSHME
JUVENTUS (4-4-2): Buffon; Cuadrado, de Ligt, Chiellini, Alex Sandro; McKennie, Bentancur, Arthur, Chiesa; Kulusevski, Cristiano Ronaldo.
INTER (3-5-2): Handanovic; Skriniar, de Vrij, Bastoni; Hakimi, Barella, Brozovic, Gagliardini, Young; Lukaku, Lautaro Martinez.
