Nga goglat e shortit në Nyon përballë Lazios ka dalë emri i kampionëve në fuqi të Europës, Bayern Mynih. "Më mirë se kaq nuk mund të shkonte. Shakatë mënjanë, luajmë kundër skuadrës që ka fituar edicionin e fundit të Champions League. Është favoritja, pòr nuk nisemi në start të mundur". Ky është mesazhi i drejtorit sportiv të Lazios, Igli Tare, në komentin që i bëri shortit të 1/8 se Champions League.
Drejtuesi i lartë shqiptar i klubit bardhekaltër e ka marrë me humor, sepse në fakt nuk mund të bëjë ndryshe: "Do të përpiqemi ta përballojmë këtë ndeshje me entuziazëm të madh - vazhdoi ai - E kemi merituar, nisemi jo favoritë por mund të besojmë se mund të bëjmë ndonjë surprizë".
