Ka bërë shumë të diskutohet ajo që ndodhi të martën në mbrëmje gjatë sfidës së Champions League mes Psg e Istanbul Basaksehir. Cështja e racizmit e ndodhur në dëm të Webo, zëvendëstrajnerit të turqve, ka qenë tema kryesore në këto orë me dy skuadrat protagoniste absolute me vendimin për tu kthyer në dhomat e zhveshjes e për të mos e luajtur ndeshjen. Takimi, sic dihet, u luajt 24 orë më pas në mbrëmjen e të mërkurës, por “zhurma” mbi gjestin e bërë ishte e madhe. Këtë veprim të parisienëve, që dolën nga fusha në shenjë solidariteti, e ka komentuar Thomas Tuchel, që është reshtuar krah të tijve.
Të martën është marrë një vendim i fortë: djemtë kanë treguar solidarietetin e tyre me kundërshtarët. Besoj që ishte një vendim i fortë dhe kurajoz”, ka thënë Tuchel për median pas ndeshjes së luajtur një ditë më vonë. “Një reagim që u duk i qartë në dhomat e zhveshjes. Flasim për persona të rritur e ashtu si thatë edhe ju, reagimi ishte i fortë. Në fushë nuk e kisha kuptuar mirë se cfarë ndodhi, duke mos i dëgjuar fjalët e thëna: pastaj në dhomat e zhveshjes gjithcka u bë e qartë. Mendoj se ishte dicka e mirë të tregoje solidarietetin e pastaj të rifillonim ndeshjen”.
