"Kjo është dalja nga Champions", mbi Inter e Antonio Conte ka shpërthyer ironia e rrjeteve sociale menjëherë pas daljes nga kompeticioni me 0-0 ndaj Shakhtar Donetsk. Zikaltrit u shqetësuan shumë për kompromisin e barazimit mes Real Madrid e Gladbach që do ti eleminonte ata edhe në rast fitore, por më pas me merengues fitues 2-0, nuk arritën të merrnin suksesin në ndeshjen e tyre. Kaq mjaftoi dhe u shfaqën memet sarkastike: "Kur je skuadra e vetme italiane që nuk kalon grupet", apo "Nuk i shënon asnjë gol të dy ndeshje Shakhtar, që në 4 ndeshjet e tjera pësoi 12".
