"Pyeti si isha, nëse kisha nevojë për ndonjë gjë. Më mbajti zgjuar për gati gjysëm ore për ti treguar ndeshjet e futbollit që nuk kishte mundur të shihte. 'Më mungon futbolli', më tha. Më duhet kohë edhe ndonjë ditë, do të rikthehem në formë e do të kthehem në jetën time. E pyeta se kur do të kthehej në Itali, e mu përgjigj: të shohim, ndoshta për Krishtlindje". Hugo Maradona, i vëllai i 'Pibe', rrëfen telefonatën e tyre të fundit. Tre ditë përpara vdekjes së Diegos. "Nëse ndjeva trishtim apo vuajtje në zërin e tij? Ishte i qetë. Nëse Diego atë natë ka qenë i dëshpëruar, do të bënte gjithcka që të mos e kuptoja", shpjegoi ai në një intervistë për Corriere della Sera. "Ai ishte kështu, nuk donte të krijonte bezdi. Jemi shtatë, mes vëllezërve e motrave, na telefononte të gjithëve, por nuk fliste për problemet e tij. Nuk e ka bërë kurrë. Ja përse them, me dhimbje të madhe, që të vërtetat e javëve të tij të fundit, i di vetëm ai".
Mbi hetimin e hapur për të bërë dritë mbi vdekjen e të vëllait, Hugo ka komentuar: "Nuk kam asnjë ide, ndoshta pa vetëdije mundohem të mos kem. Nëse do të ishte jo një vdekje natyrale do të ishte një dhimbje edhe më e fortë. Kam besim tek drejtësia, nëse ka një fajtor duhet ta paguajë. Im vëlla nuk e meritonte. I ka ndihmuar të gjithë, nuk ka kërkuar kurrë asgjë në këmbim e shumë përfituan nga kjo. Ka kryer gabime sigurisht, por nuk është fshehur kurrë. Ka paguar për këtë një cmim të lartë".
"Ai i lënë vetëm edhe para vdekjes? Nga familja jo. Jemi shumë të lidhur, në emër të vlerave që na kanë transmetuar prindërit tanë. Diego ishte bërë kështu: vendoste ai kohët e mënyrat për të qendruar me të afërmit e tij. Na telefononte gjithnjë, e nëse ishte keq, hiqej sikur ishte mirë. Për miqtë, mjekët, avokatët nuk shpreh gjykim. Diego - përfundoi ai - ka marrë me vete në botën tjetër shumë sekrete".
